「买埋好多唔等使嘢!」30件「100円店」共鸣事

2020-06-11 疯狂设计
【100円店】唔只日本人,全世界的人都好爱日本的100円店,DAISO、Seria、Cando… 平靓正之余,选择又多,行100円店已经成为唔少游客的指定行程!不过,唔係所有100円商品都咁出色,中伏的个案都唔少,日本最近就有网站列出30件「100円店共鸣事」,唔少网民都表示劲有同感(包括我)!

01 |买埋好多唔等使嘢

唔关质素好定唔好事,明明平时都唔会用,但因为平,总之就买咗先,反正都係100円之嘛!

「买埋好多唔等使嘢!」30件「100円店」共鸣事
明明唔带饭盒,见到得意的饭盒袋、水樽套,又会忍唔住手买!(反正都係100円之嘛~)
02 | 超市、药妆店可能更平

100円店卖的商品,未必全部都係平,如零食及胶樽装饮品,超市或药妆店可能更平!

「买埋好多唔等使嘢!」30件「100円店」共鸣事
超市的胶樽饮品,通常都唔使100円。
03 | 收纳用品在家堆积如山

以为买咗会整理好屋企的杂物,但因为太平,愈买愈多,结果其实无用到,反而变咗屋企的「杂物」!(唔係个个都可以成为「收纳达人」!)

 

04 | 被200円、300円商品欺骗!

「呢样100円咁抵?!」畀钱的时候先发现,原来係200円或300円!

「买埋好多唔等使嘢!」30件「100円店」共鸣事
DAISO x Harris Tweed系列,每款要300~600円。
05 | 经常见到爆买的中国人

最近的100円店愈开愈大间,入面大部分都係疯狂扫货的中国人或泰国人。

「买埋好多唔等使嘢!」30件「100円店」共鸣事
东京其中一间DAISO大型店舖「足立ひとつや店」,3层高,可以用银联卡找数!
06 | 100円的碗碟唔易打烂

本来谂住如果屋企的100円碗碟烂咗,就会换过啲高级碗碟!但意外地,用极都唔烂,想换都无藉口换!

「买埋好多唔等使嘢!」30件「100円店」共鸣事
Seria的碗,又靓又耐用!

 

07 | 唔记得买本来想买的东西!

本来为咗买某件货品而去100円店,但结果买咗一堆无关係的货品,离开之后先发现唔记得买想买的东西!

 

08 | 店员唔知货品的摆放位置

因为货品种类同数目都非常多,成日都搵唔到,就算问店员,好多都答唔到你,结果同你齐齐搵!

「买埋好多唔等使嘢!」30件「100円店」共鸣事
DAISO的商品总数超过7万款,店员唔记得都好正常!

 

09 | 笔记簿品质差

100円店的笔记簿虽然平,但品质差劣,纸非常簿!

「买埋好多唔等使嘢!」30件「100円店」共鸣事
Cando笔记簿。
10 | 几支装的笔非常劣质

100円12支的颜色水笔,当中有一两支係写唔出色的!

11 | 针织製品一定拮肉

针织製品绝对只係「100円的质素」,如颈巾、手套,一定拮肉!

「买埋好多唔等使嘢!」30件「100円店」共鸣事
DAISO x Girls’ Trend研究所冷帽、冷颈巾、冷手套。
12 | 指甲油愈买愈多

因为平,所以见到有新颜色、新樽,都忍唔到手买,但最后,屋企储埋好多支,唔少开都未开过,或已经乾咗!

「买埋好多唔等使嘢!」30件「100円店」共鸣事
Cando指甲油。
「买埋好多唔等使嘢!」30件「100円店」共鸣事
Cando指甲油。
13 | 包装用品种类非常丰富,最帮到手!

包装纸、masking tape、贴纸、不织布袋等等,选择非常之多,送生日、圣诞礼物畀朋友或情人节时最帮到手!

「买埋好多唔等使嘢!」30件「100円店」共鸣事
DAISO的礼物盒。
14 | 以为好快会坏的货品,结果好耐用

买的时候唔期望佢襟用,结果用好耐!但之前成日听人讲话好好用的商品,结果好快坏!

15 | 商品转换得好快

用过好用想再买的商品,搵极都搵唔到,结果店员话「已经唔再返货」!

16 | 去到外国都会行100円店

唔知点解,去外国旅行,都会忍唔住走入100円店逛逛,睇下有无日本无卖的东西!

「买埋好多唔等使嘢!」30件「100円店」共鸣事
首尔的DAISO。
17 | 旅行用品选择多

衣物的收纳袋、可以摺埋的拖鞋、装洗头水化妆品的小胶樽等等,100円店有好多又平又实用的旅行便利用品!(香港人最常用应该係压缩袋!)

18 | 会仔细check清楚先买

虽然只係100円,但因为商品的质素好参差,通常都会check下先买!例如布製商品有无走线,又或者胶箱驳位有无胶水渍等。

19 | 会出现奇怪的字!

因为好多都係由中国或其他国家製造,成日都会出现「奇怪的字」,如「シ」会变成「ツ」、「ン」变成「ソ」!(除了日本人或识日文的人,係唔会发现!)

20 | 剪毛头机好好用

DAISO的剪毛头机非常帮到手,绝对係100円店人气best buy之一!

21 | 会去唔同的100円店买唔同嘢

想买实用的商品,会去DAISO,想买杂货的话,就会去Seria!

「买埋好多唔等使嘢!」30件「100円店」共鸣事
Seria比较多杂货。
22 | 周末排队有杀气!

日本人通常都会于周末时购物,所以收银处经常出现人龙,而间中会有人买1万円(即100件)商品,排队的人即刻出现杀气!

23 | DIY的製成品感觉係「cheap嘢」

经常见人气blogger或电视节目上的艺人,用100円店的商品做材料,都可以整到好靓的家居用品或摆设,但自己做起上来,製成品点睇都只係「100円的cheap嘢」!

「买埋好多唔等使嘢!」30件「100円店」共鸣事
Seria的网站每个月都会有DIY手作教学,畀埋个list你要买咩材料!
24 | 大部分都唔收信用卡

虽然可以用信用卡付款的店舖愈来愈多,但仍有不少只收现金。

25 | 100円店搵唔到自己个姓的印章

100円店内只有「大路」姓氏的印章,嗰一刻好羡慕姓「佐藤」、「铃木」同「高桥」的人!(补充1:唔少日本人工作上都要用印章,普通都要1~2千円一个!(补充2:香港的话,可能只得陈李张黄何!)

26 | 唔习惯变成108円

消费税由5%加到8%之后,100円店的商品变成108円,不少日本人都觉得贵了很多!

27 | 小朋友当100円玩具係宝贝

虽然品质差,但结果小朋友都好珍而重之咁玩,非常满足!

「买埋好多唔等使嘢!」30件「100円店」共鸣事

28 | 好多细路走来走去

100円店有好多玩具,细路自然好兴奋咁走来走去,平时日本的阿妈都会阻止,但100円店就通常都无,因为佢哋都沉迷于拣100円商品!

29 | 去到女仔房,发现100円店货品会好尴尬

如果讚「好时尚」的话,听的人应该会以为你寸佢,更唔可以问喺边度买啦!(香港人应该无呢个共鸣位!)

30 | 收银机前总见到掉低100円就走的大婶

常常会见到拎住一件货走去收银处,掉低100円就走的大婶!收银员叫停:「要108円(连税)啊!」但会畀大婶闹:「又话係100円店!」

下一页:【 FlyJapan 】DAISO、3COINS、CouCou高质300円商品攻略 | 2018年4、5月新登场

「买埋好多唔等使嘢!」30件「100円店」共鸣事